Милан ги финализира последните детали за трансферот на дефанзивецот Малик Тиаo во англиски Њукасл. „Росонерите“ веќе најдоа двајца млади италијански централни дефанзивци како потенцијални замени за Германецот.
Според Микеле Криситиело, Њукасл се договорил со Милан за трансфер на германскиот дефанзивец за околу 35 милиони евра плус до 5 милиони евра бонуси. Остануваат да се средат само неколку ситни детали.
Откако ќе се комплетира трансферот на Тиао, Милан ќе се фокусира на наоѓање замена во двајцата млади италијански дефанзивци Џовани Леони и Пјетро Комуцо.
