Килијан Мбапе повторно не ја пропушти можноста да зборува со суперлативи за Лионел Меси. Во своето појавување во подкастот „The Bridge“, каде што беше придружуван од Орелиен Чуамени и Ашраф Хакими, францускиот напаѓач се врати на своите спомени од времето поминато со Аргентинецот во Пари Сен Жермен. Тој не се двоумеше да го опише талентот и вештините на Меси на теренот како „нереални“.
Колку за потсетување една сезона во нападот на ПСЖ со него и со Меси беше и Нејмар. Па така Мбапе ја искористи приликата да раскаже одлична приказна поврзана со тројцата напаѓачи за време на тренингот во француската престолнина.
„Лудо е, не е како Нејмар: тој прави сè совршено. Ќе ви раскажам една приказна. Сите тројца шутиравме на гол. Нејмар и јас бевме меѓу најдобрите, постигнувајќи шест или седум голови од десет обиди. Но, тој шутираше девет пати и постигна девет исти гола, сите прецизно насочени. Само го погледнав голманот со поглед што ми велеше: „Не го гледаш ли тоа?“ Едноставно е нереално.“
