Полскиот судија, Симон Марчињак ќе ја дели правдата на полуфиналниот натпревар помеѓу Реал Мадрид и ПСЖ од Клупското светско првенство. Марчињак веќе му судеше еден натпревар на шпанскиот гигант, во осминафиналето против екипата на Јувентус.
Полскиот судија во тековната сезона ја делеше правдата на натпреварот помеѓу Барселона и Интер во ЛШ, кој заврши со резултат 4:3 во корист на италијанскиот тим. Тогаш од таборот на Барселона, Марчињак доби жестоки критики за неколку одлуки кои според нив биле во корист на Интер.
Полуфиналниот натпревар помеѓу Реал и ПСЖ ќе се одигра во среда од 21 часот.
