Претседателот на Интер, Стивен Жанг изјави дека тој и Симоне Инзаги ќе останат во клубот.
„Во последните седум години откако сум сопственик на Интер, имаше различни гласини. Освоивме шест трофеи и ќе продолжиме да се бориме и да победуваме. Јас сум претседател на клубот и се додека сум и негов сопственик ќе се трудиме да извојуваме победи. Инзаги е вистински подарок за мене, дава стабилност и нема сомнеж дека ќе продолжиме да работиме заедно. Многу сум горд на мојот тим и неверојатно среќен што сум претседател на овој клуб“, изјави Жанг, демантирајќи ги гласините за можно заминување на тренерот на „нероаѕурите“.
