Вести во Премиер лигата на Англија - капитените на тимовите повеќе нема да носат ленти во боите на виножитото на натпреварите.
Ова ќе биде крај на традицијата што трае веќе осум години.
Имено, британските медиуми објавија дека Премиер лигата го прекинала партнерството со ЛГБТК+ добротворната организација „Стоунвол“ пред новата сезона.
Како резултат на тоа, капитенската лента во боите на виножитото постепено ќе биде укината како задолжителна опрема на натпреварите од Премиер лигата во одредени натпревари и периоди од сезоната.
Шарените ленти им пречеа на некои играчи.
Неколку од нив протестираа против ваквите ленти во изминатите сезони и одбиваа да ги носат, меѓу нив беше и поранешниот репрезентативец на БиХ, Анел Ахмедхоџиќ, кога беше капитен на Шефилд Јунајтед.
Капитенот на Кристал Палас, Марк Геј, беше последниот што протестираше против лентата минатата сезона, кој на лентата напиша порака „Исус ве сака“.
Според британскиот „Телеграф“, одлуката за укинување на лентите во боите на виножитото е донесена на состанок одржан во четврток со сите 20 капитени на клубовите.
Наместо да ја продолжи иницијативата „Виножитни врвки“, Премиер лигата ќе започне сопствена кампања што ќе се совпадне со Месецот на ЛГБТК+ историјата во февруари.
Новата сезона во Премиер лигата започнува за точно седум дена со натпреварот помеѓу шампионите Ливерпул и Борнмут.
© Vecer.mk, правата за текстот се на редакцијата
