logo
logo
logo

ЛАЖНИ ДОЈАВИ ЗА БОМБИ ВО УЧИЛИШТА, во Аеродром децата безбедно евакуирани, по проверките наставата продолжи

Vecer | 07.02.2025

ЛАЖНИ ДОЈАВИ ЗА БОМБИ ВО УЧИЛИШТА, во Аеродром децата безбедно евакуирани, по проверките наставата продолжи

По првичните вести дека дојави за бомби пристигнаа во центарските училишта „Киро Глигоров“ и „Димитар Миладинов“, дојави за бомби беа испратени и во неколку училишта во Општина Аеродром. Последната вест е дека дојава пристигна и во основото училиште „Григор Прличев“ во скопска Железара.

Учениците беа веднаш евакуирани, а наставниците ги информираа родителите да си ги земат децата.

Во моментов тимови на Министерството за внатрешни работи (МВР) прават проверки во школите.

Во дел од нив проверките се завршени и учениците се враќаат на настава.

По информацијата за евакуација на учениците од неколку училишта во Општина Аеродром, на социјалните мрежи се огласи градоначалникот Дејан Митески.

„По утринските дојави за бомби во шест основни училишта во Општина Аеродром, тимови на МВР веднаш излегоа на терен. По извршените контроли, учениците се веќе вратени на настава. По дојавите, беше постапено согласно протоколите што се преземаат во вакви ситуации, а децата беа безбедно евакуирани,“ напиша Митески на својата официјална Facebook страница.

Градоначалникот упати апел за смиреност кај родителите, учениците и наставниот кадар, потенцирајќи дека институциите будно ја следат состојбата и постапуваат согласно безбедносните процедури.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk