Според соопштението, обвинетиот пристигнал со електричен тротинет и ѝ се приближил заканувачки на градоначалничката додека таа вршела увид на локација во општина Чаир по пријава на граѓани.
„Потоа физички ја нападнал, удирајќи ја најпрво по лицето и раката, а потоа со нога во пределот на левата потколеница. Откако присутните униформирани полициски службеници реагирале да го спречат во намерата, продолжил и вербално да ја навредува и да ѝ се заканува“, велат од Обвинителството.
Лицето е обвинето за грубо насилство и предизвикување чувство на несигурност, загрозување и страв во јавноста.
Од ОЈО потврдуваат дека градоначалничката била на увид на објект заедно со овластени службени лица, откако граѓаните пријавиле дека на таа локација имало бесправно градење и нелегално приклучување на вода и струја за објектот.
Исто така, за насилство врз градоначалничката било пријавено и уште едно лице, информираат од Обвинителството, но пријавата заедно со изречените мерки за претпазливост биле укинати откако, како што се вели во соопштението, не биле најдени материјални и вербални докази дека лицето учествувало во делото.
„Меѓутоа по прибирање на сите докази, вербалните искази на сведоците и оштетените, како и извршеното препознавање со соочување се утврди дека оштетените не го препознаваат пријавеното лице како сторител на заканувачки и насилнички дејствија кон нив“
© Vecer.mk, правата за текстот се на редакцијата
