logo
logo
logo

Ќерката на убиениот офицер на АРМ открива што се случувало пред трагедијата

НОВИ ДЕТАЛИ: Го убил офицерот на АРМ затоа што ќерка му не сакала да се омажи за него и и се заканувал

Vecer | 12.07.2025

НОВИ ДЕТАЛИ: Го убил офицерот на АРМ затоа што ќерка му не сакала да се омажи за него и и се заканувал

Офицерот на АРМ кој вчера беше убиен на влезот во селото Батинци примил куршуми од човек кој сакал насила да ја ожени ќерка му, иако таа не сакала да се омажи за него.

Според пријавата во МВР, девојката раскажала дека убиецот и се заканувал претходниот ден бидејќи не сакала да се омажи за него, а кобниот ден таа одбила и да комуницира со него поради тоа.

На 11.07.2025 околу 10:15 часот во СВР Скопје е пријавено дека на влезот на с.Батинци, скопско, Џ.М. пукал кон А.М. (50) од с.Батинци. А.М. бил пренесен во ГОБ „Св. Наум Охридски“ во Скопје, каде околу 11 часот им подлегнал на повредите.

Според пријавеното од страна на Е.М. (20), ќерка на А.М., тие околу 08.30 часот биле на Клиниката за неврологија при Комплексот клиники „Мајка Тереза“ во Скопје, при што Џ.М., се обидел телефонски да контактира со неа, но таа одбила, затоа што во претходниот период Џ.М. и се заканувал затоа што не сакала да се омажи за него.

Потоа, А.М. и Џ.М. со возило се упатиле кон домот во с. Батинци, но на влезот на селото, патот им бил попречен од возило од кое излегол Џ.М. и пукал кон А.М.

Се преземаат мерки за расчистување на случајот.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk