Во тешка сообраќајна несреќа што се случила во Охрид, своето живот го загуби 45-годишна жена, додека уште три лица беа повредени. Инцидентот се случил во вечерните часови, околу 22:30, во близина на кружниот тек кај крстосницата помеѓу булеварот Туристичка и улицата Јане Сандански.
Според информациите од полицијата, автомобил од марката „Фолксваген Голф“ со охридски регистарски таблички, со кој управувал 22-годишен жител од село Пашино Рувци (со престој во Охрид), најпрвин удрил во метален столб, а потоа и во двајца пешаци – 45-годишната охриѓанка и 52-годишен маж од Скопје.
Жената била веднаш пренесена во Специјалната болница „Св. Еразмо“, каде лекарите само ја констатирале смртта. Пешакот од Скопје се здобил со сериозни телесни повреди, додека возачот и неговиот 19-годишен сопатник исто така биле повредени и задржани во охридските медицински установи.
Несреќата настанала откако возачот изгубил контрола над возилото, удрил во метален заштитен столб и потоа влетал на пешачка зона, каде ги удрил двете лица. Надлежните органи преземаат мерки за целосно расчистување на случувањето, согласно изјавите од локалната полиција.
По наредба на јавен обвинител, осомничениот возач е лишен од слобода, поради сомнение за сторено тешко кривично дело против безбедноста на луѓето и имотот во сообраќајот. На местото на инцидентот бил извршен увид од страна на полициските служби.
© Vecer.mk, правата за текстот се на редакцијата
