Граѓаните кај министерот за здравство се жалат на мито, непрофесионално однесување, игнорирање пациенти, немање соодветен треман, неисполнување на должностите, одбивање на услуга, доцнење во давање здравствена услуга, изјави денеска на прес-конфренција во Владата министерот за здравство Азир Алиу по повод една година Влада.
Алиу не кажа во кои здравствени иституции се барало мито и рече дека е формирана група која ќе работи само на овие информации.
Минатиот петок, на 4 јули се одржа првиот отворен кабинет со министерот за здравство на кој граѓаните може онлјан да закажат средба со Алиу на која било тема. Граѓаните електорнски може да се пријават за состанок со министерот за здравство, а средбите се одржуваат секој петок и траат по 15 минути.
Како што кажа Алиу, вкупно 39 граѓани поставиле прашање, а од нив 27 биле на македонски јазик и 12 на албански.
Најчесто спомнати здравствени институции се неколку, тип на злоупотреба на жалби се непрофесионално однесување, игнорирање на пациент, немање соодветен третман, неиспоилнување на должностите, одбивање на услуга, доцнење во давање здравствена услуга и мито. Ова се неколку теми. За да бидеме сигурни дека овие податоци се точни, кај нас е креирана канцеларија која се занимава само со овој дел од инфорамциите. Нормално, тие институции кои се спомнати ќе имаме состанок со надлежните, и ќе дојдеме до одговор или одбивање на тоа што го имаме како информација, изјави Алиу.
На новинарско прашање кој ќе ги лови митаџиите во македонското здравство Алиу кажа:
Министерството за здравство креира политика за здравство и треба да ги следи сите политики во здравството и тука завршува нашата одговорност кон процсот наречен здравствен систем. Понатму, истите ако се докажуваат и ако има елементи за понатамошно процесирање, има институции кои ние ќе ги пријавиме. Во оваа фаза е многу рано да се имеуваат клиники или сервиси, ние не сме сигурни дека тие податоци се точни. Ќе не оставите недела-две да соопштиме, изјави Алиу.
Министерот за здравство Алиу кажа дека на средбите во петокот дошле граѓани од повеќе градови во државата и некои од нив имале фантастични идеи.
Потоа во саботата имавме работен состанок со тимот, некои од тие идеи ги претвораме во акциски планови. Во втората група имаше граѓани кои се незадоволни од здравствените услуги кои ги добиваат како пациенти и третиот дел беа граѓани кои дојдоа да се информираат која е визијата на министерството и како нивните деца да се снајдат во системот. Некои од нив имаат деца кои се трета или четврта година на Факултет па сакаат да знаат, слушнале за вработувањата 300 плус 300, па сакаат да знаат како во иднина тоа ќе се реализира, изјави Алиу.
Што е реализирано
Проекти и мерки реализираа во изминатиот период Владата и Министерството за здравство. Продолжуваме посветено да работиме на унапредување на здравствениот систем и на креирање активно здравство. Нашата визија за активно здравство е систем што однапред планира, ги решава проблемите и ги мери резултатите. Продолжуваме со поддршка од Владата заеднички да ги спроведуваме новите мерки и реформи во областа на здравството, рече денеска министерот за здравство Азир Алиу на прес-конференција по повод одбележувањето една година од работата на Владата.
Посочи дека како Влада реализирале значајно зголемување на платите на здравствените работници, и тоа во износ од 4.815 денари нето за сите здравствени работници, а за медицинските сестри ова зголемување изнесува 6.200 денари.
– Го решивме долгогодишниот недефиниран статус на приватните специјализанти. Врз основа на донесената одлука на Влада за вработување 600 приватни специјализанти (300+300), веќе привршува реализацијата на првата фаза и во најголем дел од установите е завршена процедурата за вработување 300 млади специјализанти во јавните здравствени установи во државата. Веќе ја почнавме реализацијата и на втората фаза за следните 300 специјализанти, минатата недела на веб страната на Министерството беше објавен повикот за изразување интерес на специјализантите за вработување, истакна Алиу.
Првпат после повеќе од 10 години, посочи министерот, е ажурирана позитивната листа на лекови, за девет нови генерички лекови, односно 87 лека во различни форми.
Потенцира дека отвориле и дигитална алатка за пријавување неправилности и продолжуваат активно да се залагаат за инфраструктурно унапредување на јавните здравствени установи.
-На Клиника за гинекологија во тек е комплетна реконструкција на лаборатории, амбуланти и специјалистички кабинети. Реконструкцијата е во износ од 29 милиони, се очекува да биде завршена до крајот на годината. Отпочната е комплетна и темелна реконструкција на КАРИЛ која е прва од овој тип досега од основањето на Клиничкиот центар, на Инфективната клиника е извршено комплетно реновирање на првиот кат со интензивна нега – инвестиција во вредност од 1,5 милиони евра, на Хируршките клиники пуштена е во употреба новата компресорска станица со три компресори и извршено е целосно реновирање на Универзитетската клиника за психијатрија, реконструкција на Клиничка болница Тетово и на повеќе одделенија во Општа болница во Гостивар, рече Алиу.
Во наредниот период, како што појасни, ќе бидат фокусирани и на реконструкцијата на Градската општа болница „8 Септември“, а инвестирањето во болничката инфраструктура не се однесува само на операционите сали или медицинската опрема.
-Почнавме процес кој ќе резултира со функционално решение на паркингот на Клиничкиот центар, затоа што болниците треба да бидат места на грижа, не на фрустрација уште од влезната рампа. Во континуитет ги осовременуваме јавните здравствени установи со нова медицинска опрема, меѓу кои во хируршка клиника „Св. Наум Охридски“, во општите болници Велес и Прилеп, Клиника за очни болести, Општа болница Гостивар, Клиника за дигестивна хирургија. Во поликлиника Идадија има нов апарат за магнетна резонанца со кој овозможуваме поголема достапност за пациентите до потребните дијагностичките процедури. Исто така, континуирано работиме на воведување новини во областа на трансплантација, а особено зајакнување на знаењата и вештините на кадарот, следење на современите европски трендови и воведување нови методи во трансплантологијата, рече Алиу.
По трагичниот настан во Кочани, не застанавме на сочувството, истакна Алиу и појасни дека почнале постапка за изградба на модерен и иновативен центар за развивање креативни идеи кој ќе биде посветен на младите, на психосоцијалната поддршка и на заедницата.
-Во тек се процеси на градење на активно и дигитално здравство наместо бирократско функционирање. Дигитализацијата не е технолошки луксуз, туку предуслов за правично, ефикасно и отчетно здравство. Затоа започнавме со подготовка за измена на 12 основни закони од здравствениот систем. Секој закон ќе биде третиран од посебна експертска работна група, затоа што модерно здравство не се гради со импровизации, туку со прецизни, системски правила. Министерството за здравство веќе активно работи на системот базиран на петте столбa, со цел да го трансформираме здравството во стабилен и политички независен здравствен систем, а посебен фокус ставаме на дигитализацијата како темел на здравствен систем базиран на реални податоци, додаде Алиу.
© Vecer.mk, правата за текстот се на редакцијата
