logo
logo
logo

ЛОКАЛНИ ИЗБОРИ: Касами пак ќе се бори за Тетово, Сејдиу за Желино

Vecer | 16.07.2025

ЛОКАЛНИ ИЗБОРИ: Касами пак ќе се бори за Тетово, Сејдиу за Желино

Актуелниот градоначалник Биљал Касами повторно ќе се кандидира за Општина Тетово на локалните избори кои треба да се одржат во октомври годинава, соопшти на денешната прес-конференција Зеќирија Ибрахими, претседател на Алтернатива.

– „Вреди“ досега има објавено кандидатури за градоначалници со кои ќе учествува на локалните избори. Ние го поддржуваме независниот кандидат за Струга, Менди Ќира. Веќе е јасно дека „Вреди“ во Тетово ќе оди со Биљал Касами, во Желино со Блерим Сејдиу. За другите кандидати уште разговараме – рече Ибрахими.

Тој нагласи дека до крајот на месецов се очекува да ги објават имињата на повеќето кандидати за градоначалници.

Во однос на соработката со ВМРО-ДПМНЕ, Ибрахими потенцира дека имаат начелен договор да се поддржуваат во општините во кои меѓусебно би можеле да си помогнат.

– И досега постоела една практика владините партнери да се поддржуваат меѓусебно за локалните избори. Таквото правило ќе важи и за овие избори и ние имаме начелен договор со ВМРО-ДПМНЕ дека ќе се поддржиме во општините во кои би можеле да си помогнеме меѓусебно. За конкретни општини или конкретни имиња, или за конкретни советнички листи, допрва ќе седнеме и ќе зборуваме – рече Ибрахими.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk