ДУИ не успева да се реформира, истите луѓе за кои Европската унија и САД тврдееа и мереа дека се лидери во корупцијата и понатаму ја водат партијата а некои, како Бујар Османи, дури и се појавуваат како кандидати за нови функции, во случајов градоначалничка, што е доказ дека карактерот и политиката на ДУИ останале исти.
За време на ДУИ Албанците во Македонија не станаа ни повеќе богати, ни повеќе еманципирани ниту помалку се иселеуваа... Напротив, од сите Албанци во Македонија се збогатија само функционерите на ДУИ кои ги собраа привилегиите и црните пари додека на гласачите Албанци им нудеа жешки пароли, националистичка магла и лагата дека ги внеле во Евроспка унија (што не се слуќи) и така ќе ги укинеле границите помеѓу Албанците од Албанија, Македонија и Косово.
Од сето тоа, останаа само милионите украдени евра во џебовите на функционерите на ДУИ, им останаа скапите куќи овде и во странство, скапите коли и - им остана истата реторика: ако не сме ние Албанците страдаат. Да, страдаат, но страдаат од ДУИ кои за нив не направија ништо да им се подобри стандардот, безбедноста и иднината.
Сега, во опозиција, продолжуваат со итиот терк, национализам и закани но - видента пракса од нивната политика оптеретена со корупција а обезбедна од гласачите Албанци остана да ги држи на дното. Гласови имаат се помалку и принудени се да делуваат и купуваат гласови меѓу другите етнички заеници прикажувајќи ги како албански гласачи.
.
На денешниот Саем-Отчет по повод „4 години работа за тебе“ се обрати претседателот на ВМРО-ДПМНЕ Христијан Мицкоски, кој на самиот почеток ги отфрли сите обвинувања за етничка нееднаквост од страна на ДУИ и истакна дека ДУИ означува криминал, неспособност и корупција, како и дека тезите се неконструктивни со што приложи докази за финансиската поддршка од страна на Владата предводена од ВМРО-ДПМНЕ кон општините кои ги предводат градоначалници токму од ДУИ.
Нивната улога во Владата значи многу криминал, многу неработа, многу неспособност, многу корупција, и сега тие ставаат знак на еднаквост помеѓу сите овие епитети коишто го има нивното учество во Владата и етничката поларизација, доколку тие не се тогаш тоа било етничка поларизација, мислам дека таа теза им е погрешна. Еве на пример да речеме ако ги гледаме бројките ќе го споменам Кичево.
Кичево градоначалник е Фатмир Дехари од ДУИ, во првиот повик скоро 56 милиони денари, проекти финансирани од оваа Влада, во вториот повик скоро 330 милиони денари, или вкупно 385 милиони денари за 16 проекти, тоа е повеќе од 6 милиони евра.
Струга на пример, градоначалник е од ДУИ господинот Рамиз Мерко којшто е на листата на санкции на САД, во првиот повик има еден проект којшто е околу 135 милиони денари, вториот повик има 5 проекти вредни 307 милиони денари или вкупно 443 милиони денари. Сарај, во вториот повик имаме 5 проекти од близу 320 милиони денари, коишто оваа Влада ги обезбедила за општина во којашто градоначалник е од редовите на ДУИ, појасни Мицкоски.
Премиерот исто така истакна дека за време на владеењето на СДСМ и ДУИ не финансирале ниту еден проект во општините каде градоначалници се од редовите на ВМРО-ДПМНЕ.
Доколку одиме назад и доколку ги анализираме првите три години на градоначалниците од ВМРО-ДПМНЕ дали некој од нив ќе се сети на проект којшто е финансиран од владата на СДС и ДУИ, одговорот е ни еден.
Повеќе од 40 општини не добија буквално ниту еден проект којшто го финансираше таа влада.
Јас навистина ги отфрлам како неконструктивни и пораки коишто припаѓаат на минатиот век, навистина жалам што нереформираното, криминално и коруптивно ДУИ сè уште живее во тие години, и уште мисли дека со таков тип на пораки ќе придобие симпатии во јавноста мислејќи дека ако се радикализира, мислам дека грешат и тоа ќе го видат на локалните избори коишто ќе се случат за помалку од два месеци, рече Мицкоски.
© Vecer.mk, правата за текстот се на редакцијата
