Апелациониот суд во Скопје денеска ќе одржи јавни седници по жалбите на Основното јавно обвинителство за одлуките на Кривичниот суд, со кои на поранешните директори на Клиниката за онкологија, Нино Васев и Нехат Нухи, им беше одреден куќен притвор. Претставниците на обвинителството сметаат дека оваа мерка не е соодветна со оглед на сериозноста на делата за кои се товарат обвинетите, и затоа поднесоа жалби со барање за поостри мерки. Во т.н. „Онкологија“ процес, обвинети се двајцата поранешни директори и уште четворица лекари-онколози. Обвинителството има покренато две посебни обвиненија. Овој случај привлече голема јавна и медиумска заинтересираност поради сомневањата за злоупотреби во рамки на клиниката.
© Vecer.mk, правата за текстот се на редакцијата
