Двајца жители на скопското село Идризово се приведени откако најпрво се однесувале агресивно кон вработена во маркет, а потоа физички нападнале и 41-годишен соселанец кој им укажал да престанат.
Според МВР, изминатиот викеден, односно во саботата вечерта околу 22:30 часот, полициски службеници од СВР Скопје ги лишиле од слобода И.Х. (25) и А.Х. (20).
Според пријавата, инцидентот започнал во маркет во Идризово, каде двајцата се однесувале агресивно кон вработената. Кога 41-годишниот И.О. им рекол да не се однесуваат така кон жената, тие физички го нападнале и со тврд предмет.
Од МВР информираат дека случајот се документира, по што ќе следува соодветна пријава.
© Vecer.mk, правата за текстот се на редакцијата
