Мажот се пожалил дека гној постојано му тече од под десната брадавица, но дека не чувствувал болка ниту пак имал тешкотии со дишењето. Неговата здравствена состојба изгледала стабилна, а лекарите наредиле детален преглед.
Рентгенот открил сè
Наскоро, рентгенот открил шокантна работа - сечило од нож кое влегло низ десното рамо, ги заобиколило виталните органи и останало во месото!
Дури кога ги дознал резултатите, човекот се сетил на „жестока расправија“ пред осум години, кога претрпел повеќекратни посекотини на лицето, грбот, градите и стомакот.
Раните оттогаш заздравеле и тој не се сомневал во ништо сè додека не се појавил гнојот, објавува „Мирор“.
Вистинска медицинска реткост
Пациентот завршил на операционата маса, а лекарите внимателно го отстраниле сечилото, како и гнојот предизвикан од умирањето на ткивото.
Поминал еден ден на интензивна нега, а потоа уште десет дена на одделението, додека целосно не се опоравил.
Бизарниот случај е документиран во стручното списание „Journal of Surgical Case Reports“, додека лекарите нагласуваат дека станува збор за вистинска медицинска реткост.
© Vecer.mk, правата за текстот се на редакцијата
