Гамбија со години е позната како популарна дестинација за постари западни жени кои бараат романтични или сексуални врски со помлади локални мажи.
Ова ѝ го донесе на земјата потсмевливиот прекар „Гран-биа“, што предизвика загриженост кај властите кои се обидуваат да се справат со геријатрискиот секс-туризам.
Иако некои врски се површни и поврзани со забава за одмор, како оние што ги опишуваат жени од Велика Британија, други тврдат дека пронашле вистинска љубов во Гамбија. Една од нив дури и се омажила за својот помлад партнер и се преобратила во ислам.
Документарецот „Секс на плажа“ прикажа вознемирувачки сцени од врски со голема разлика во возраста и финансиската моќ, што предизвика етички дилеми.
Сиромаштијата во Гамбија дополнително ја влошува ситуацијата, младите мажи често се впуштаат во врски со туристички поради надежта за финансиска сигурност, пишува „Мирор“.
Иако Гамбија има многу да понуди, од природна убавина до богата култура, овој вид туризам има негативно влијание врз нејзиниот имиџ и потенцијал како семејна дестинација.
© Vecer.mk, правата за текстот се на редакцијата
