Говинда Кумар си играл пред својата куќа во селото Банкатви, во источната индиска држава Бихар, кога забележал змија помала од еден метар и ја фатил. Според роднините, кобрата се обвила околу неговите раце и се обидела да го касне, но детето не плачело ниту избегало. Наместо тоа, ја ставило главата на змијата во уста и силно ја каснало, рекла неговата баба Матешвари Деви.
Говинда ја изгубил свеста кратко откако проголтал дел од отровот на змијата, но бил пуштен дома по болничко лекување. Змијата веднаш угинала. „Преместував дрва за огрев во близина на куќата кога се појавила кобрата. Момчето веројатно забележало дека се движи и ја зграпчило“, рекла бабата. „Кога истрчавме кон него, видовме дека држи глава од змија во устата. Брзо му ја тргнавме од рацете и устата.“
Toddler bites cobra to death after venomous 3ft-long snake coiled itself around his hands in India
— MassiVeMaC (@SchengenStory) July 28, 2025
Infant Govinda Kumar bravely fought back against the venomous snake when it coiled itself around his arm while he was playing outside his home in Bankatwa village, pic.twitter.com/rJ7SurW9fi
„Никогаш не сме го доживеале ова“
Детето веднаш било однесено во локална здравствена установа, а потоа префрлено во Градската државна болница Бетија (GMCH) за специјализирана нега.
Лекарите од педијатриското одделение на GMCH изјавиле дека за време на дождовната сезона, тие примаат пет до шест пациенти со каснување од змија секој месец, но никогаш не доживеале дете да касна кобра. Индиските кобри се меѓу најотровните змии во земјата, а нивното каснување може да убие лице за неколку часа со парализирање на респираторните мускули.
„Отровот влегол во дигестивниот систем, не се појавиле никакви симптоми“
„Детето било примено свесно и активно, но со отечено лице и уста поради реакција на змискиот отров во усната шуплина“, изјавил за Телеграф Саураб Кумар, вонреден професор по педијатрија на GMCH. „Неколку пати проверивме со родителите дали змијата можеби го каснала за да се осигураме дека отровот не влегол во крвотокот. Тие потврдиле дека момчето ја каснало змијата и дека таа веднаш угинала“.
Кумар додал дека детето проголтало дел од змијата и дека отровот влегол во дигестивниот систем. „Му дадовме антиалергиски лек и го набљудувавме. Бидејќи немаше никакви симптоми во рок од 48 часа, беше отпуштен во саботата.“
Околу 300 видови змии живеат во Индија
Околу 300 видови змии живеат во Индија, од кои 16 се екстремно отровни. Најопасната „голема четворка“ вклучува индиска кобра, обичен краит, Раселов батеник и песочна ефа.
Според научното списание eLife, помеѓу 2000 и 2019 година, во Индија се регистрирани повеќе од еден милион смртни случаи поврзани со каснување од змија. Експертите за див свет предупредуваат дека обилните дождови и брзата урбанизација ги протеруваат змиите од нивните природни живеалишта во населените области.
© Vecer.mk, правата за текстот се на редакцијата
