Мажот во Тарквинија доживеал срцев удар. Итните служби заклучиле дека му нема спас и дека е мртов, па хеликоптерската амбуланта се вратила во базата. Додека чекал мртовечко возило, човекот ги отворил очите и наводно прашал за своите ќерки.
Тој бил однесен во болница, каде што се лекува. Докторите рекле дека сега е во стабилна состојба.
Ваквите случаи се познати во медицинските кругови како „феноменот Лазар“, по библиската приказна во која Исус воскреснува човек по име Лазар. Терминот го опишува ненадејното враќање на срцевата активност по неуспешни обиди за реанимација.
Интервенцијата не поминала без инцидент. Кучето на човекот нападнало полицаец кој се обидел да влезе во станот, според властите. Полицаецот бил хоспитализиран поради повредите, а кучето било однесено во засолниште за животни.
© Vecer.mk, правата за текстот се на редакцијата
