Европската конфедерација на синдикати (ЕКС / ETUC) ја повика Европската Унија да воведе задолжителни, законски пропишани паузи за работниците кои се изложени на екстремни горештини, предупредувајќи на сè поголемите ризици по здравјето и безбедноста за време на сè почестите топлински бранови.
Синдикатот во соопштението наведе дека работниците би требало да имаат право на „паузи за ладење“ за време на периоди со високи температури, инспирирани од мерките кои беа воведени на Светското првенство во фудбал 2026 година, кога фудбалските натпревари беа прекинувани за да се заштитат играчите од екстремната горештина, пренесува „Фигаро“.
Генералната секретарка на ЕКС, Естер Линч, оцени дека таквите мерки покажале колку екстремните температури можат да влијаат врз физичката издржливост и безбедноста, но и дека истото ниво на заштита би требало да им се обезбеди и на работниците во различните сектори.
© Vecer.mk, правата за текстот се на редакцијата
