Многумина се плашеле од него, а еден Србин дошол во Либија за да му помогне со здравствен проблем. Моамер ел Гадафи беше страв и трепет во Либија, со која владееше од 1969 година до неговото убиство од страна на бунтовничките сили во 2011 година. Сепак, тој имал голема почит кон лекарите од Србија и поканил еден од најдобрите и најпознатите експерти да го лекува.
За време на неговата децениска кариера, доктор Вукоје лекувал многу познати политичари, спортисти, музички ѕвезди... Тој го запознал Гадафи преку либиски министер кој бил и негов пациент. Најпознатиот оториноларинголог, матичниот доктор Новак Вукоје, кој инаку бил член на Европската академија на науките, почина во август 2020 година.
„Го посетив Гадафи за прв пат во јануари 2006 година“ - рекол доктор Вукоје во 2017 година во интервју за „Спутник“ и открил дека таму започнало големо пријателство со либискиот лидер кој беше брутално соборен и убиен во 2011 година.
„Поминав многу време со него. Во контакт сум со неговата ќерка Ајша. Таа живее во Оман со своите три деца и нејзината мајка Сафија, која е од Мостар. Гадафи завршил воена гимназија во Мостар и таму се заљубил во Сафија и се оженил со неа. Потоа дипломирал на воената академија во Лондон. Ајша неодамна ме контактираше преку е-пошта“, открил тогаш докторот и истакнал дека смета оти Либија била рај во времето на Гадафи.
Неговата прва средба со Гадафи кога отишол да го оперира рекол тогаш дека засекогаш ќе ја памети:
- Горд сум што имав можност да го запознаам тој човек. За прв пат разговаравме под неговиот шатор во 2006 година, кога направив интервенција. Тој ја покани и националната телевизија да го сними нашиот разговор. Ме воодушеви со приказната за тоа колку материјално ѝ помогнал на нашата земја, со нафта... Но, не му е лесно никому пред хируршка интервенција. Тогаш рече: „Цела Либија се плаши пред мене, а јас се плашам пред еден српски хирург.“
Гадафи последен пат беше виден на 4 ноември 2010 година, а диктаторот беше убиен на 20 октомври следната година.
© Vecer.mk, правата за текстот се на редакцијата
