Според полициското соопштение, инцидентот се случил во саботата во Музејот во Перт, кога маж облечен во килт се обидел да го скрши заштитното стакло на кутијата што содржела блок од песочник од 150 килограми, објави Си-Ен-Ен.
Тој се изјасни за невин
Артефактот, кој датира од средниот век, се користел на церемонијата на крунисување на шкотските кралеви во Сконската опатија, во близина на Перт.
Осомничениот Австралиец, идентификуван како Арно Харикскалде Логан, 35, од Сиднеј, вчера се појавил пред Судот за прекршоци во Перт.
Тој се изјасни за невин и е задржан во притвор до следното рочиште, закажано за следната недела.
Полицијата соопшти дека Каменот на судбината не бил оштетен во инцидентот.
Музејот потврди во соопштение дека предметот останал недопрен, благодарение на „сложените безбедносни мерки“ во објектот.
Предмет на бројни контроверзии
Патем, Каменот на судбината е предмет на политички и културни контроверзии со векови.
Кралот Едвард I го однел од Шкотска во Англија во 1296 година, по што бил ставен под крунисувачката столица во Вестминстерската опатија.
Таму останал до 1996 година, кога бил вратен во Шкотска со договор дека привремено ќе биде преместен во Лондон за време на крунисувањето на британските монарси - како што било направено во 2023 година за време на крунисувањето на кралот Чарлс III.
Инцидентот во Перт е најновиот во низата обиди да се истакне симболичната важност на Каменот за шкотскиот национален идентитет, кој продолжува да буди силни емоции кај дел од јавноста.
© Vecer.mk, правата за текстот се на редакцијата
