Иако официјалниот ручек по повод средбата меѓу Доналд Трамп и Владимир Путин во Алјаска беше планиран со посебна грижа, на крајот беше откажан, но менито сепак протече во јавноста.
Објавено е од украинскиот портал TSN.
Според објавената фотографија, вечерата требало да започне со зелена салата со дресинг од шампањ и леб од кисело тесто и путер со рузмарин и лимон.
За главно јадење се нудат два избора: филе мињон во сос од коњак и бибер или халибут Олимпија, јадење од бела риба подготвено на класичен американски начин.
Тоа е класична кујна од Алјаска и јадење кое се појавува во бројни варијации низ целиот регион.
Името доаѓа од градот Олимпија во Вашингтон и најчесто се подготвува со павлака, мајонез, кромид и презла.
Постојат неколку варијации на рецептот, но основниот концепт е обично ист: рибата се пече со сос од павлака и мајонез, потоа се панира и се пече додека не добие златна боја.
Заедно со главното јадење, како прилози биле планирани кремасто пире од компири со путер и печени аспарагуси.
Конечно, како десерт, планиран е „крем бруле“ со сладолед.
© Vecer.mk, правата за текстот се на редакцијата
