Унгарската државна електроенергетска компанија, компанијата MVM Zrt., потпиша договор за купување акции со српската Manex Group, со што ќе се зголеми нејзиниот удел во компаниите Energotehnika Južna Bačka и Elektromontaza Kraljevo од 33,4 проценти на 60 проценти.
Таа трансакција, како што објави компанијата, треба да биде завршена во третиот квартал од 2025 година и претставува уште еден значаен чекор во проширувањето на присуството и портфолиото на MVM Group во Србија.
„Зајакнувањето на позицијата на српскиот енергетски пазар е една од клучните стратешки цели на MVM Group во регионот. Покрај поволната пазарна средина и тековните процеси на приватизација, географската положба на Србија е од стратешко значење бидејќи претставува природна влезна точка за понатамошно проширување на MVM во други балкански земји“, се наведува во соопштението за медиумите на MVM Group.
„Енерготехника Јужна Бачка“ и „Електромонтажа Краљево“ се меѓу водечките компании во Србија во областа на енергетската изградба, а MVM Group стекна малцински удел во овие компании во 2022 година.
© Vecer.mk, правата за текстот се на редакцијата
