Според Фајненшел тајмс, последното возило треба да ја напушти производната лента во фабриката во Дрезден во вторник.
Одлуката е дел од пошироката стратегија на Фолксваген за намалување на трошоците, со посебен акцент на работењето во Германија. Минатата година компанијата најави планови за намалување на бројот на вработени за 35.000.
Фолксваген наведе неколку фактори кои придонесуваат за неговите финансиски предизвици, вклучувајќи ја намалената побарувачка на кинескиот пазар и неодамнешните промени во американската трговска политика. Овие случувања извршија дополнителен притисок врз економските перспективи на компанијата, пренесува Seebiz.
Германскиот гигант VW планира погонот во Дрезден да го претвори во иновациски кампус.
Иницијативата ги обединува VW групацијата, сојузната покраина Саксонија и Техничкиот универзитет во Дрезден (TU Dresden).
Фабриката, позната како „Транспарентна фабрика“, ќе биде пренаменета за да се фокусира на вештачка интелигенција, роботика, микроелектроника и дизајн на чипови.
Според планот, TU Дрезден ќе преземе речиси половина од просторот.
VW и универзитетот планираат да инвестираат повеќе од 50 милиони евра (58,3 милиони долари) во следните седум години.
© Vecer.mk, правата за текстот се на редакцијата
