Учителката Смиљана Лалиќ, која работеше во Основното училиште „Ѓура Даничиќ“ во Нови Сад, не доби продолжување на својот работен договор, без да биде понудено објаснување од раководството на училиштето. По тој повод, од раните утрински часови во дворот на училиштето се одржува мирен протест во знак на поддршка.
Според изјави на родителите, додека траеше прекинот на наставата кој го поддржаа нивните деца, учителката Лалиќ одржувала проектна настава со ученици од други одделенија. Дел од родителите секое утро стоеле пред влезот во училиштето за да изразат поддршка на наставниот кадар кој беше во прекин со работата, пренесе медиумот N1.
Веќе подолг период, учителката се соочуваше со критики од страна на раководството затоа што не одржувала редовна настава, а била и отстранета од канцеларијата на секретарката, означена како „непосакувана личност“.
Во меѓувреме, по оставката на претходниот директор, на раководната функција доаѓа нова директорка. Родителите веднаш по назначувањето за в.д. директорка иницирале состанок и и’ врачиле писмо на поддршка за учителката Лалиќ, потпишано од сите родители во одделението. Од страна на новата директорка им било соопштено дека училиштето нема информации за тоа дали ќе продолжи ангажманот на учителката.
Родителите се обиделе директно да разговараат со директорката Драгана Лужајиќ, но таа ги упатила да ја користат официјалната комуникација преку електронска пошта.
Извор: N1
© Vecer.mk, правата за текстот се на редакцијата
