Воздушна помош ѝ обезбедува Грција на Албанија со испраќање на два противпожарни авиони од типот ПЗЛ за гаснење на големиот шумски пожар што избувна во областа Кронѓ во општина Фојник, јави дописничката на МИА од Атина.
Од Министерството за цивилна заштита и климатски кризи на Грција соопштија дека помошта е по билатералното барање од Министерството за национална одбрана на Албанија до грчкиот координативен центар за операции и управување со кризи.
Двата авиони од типот ПЗЛ од воздухопловната база на Крф ќе се упатат кон погоденото подрачје во јужна Албанија со цел да помогнат во гаснењето на пожарот.
© Vecer.mk, правата за текстот се на редакцијата
