Обвинителите во Милано ја продолжуваат истрагата за наводниот случај „Сараево Сафари“, а агенцијата Ројтерс неодамна објави дека истражителите засега немаат цврсти докази што би овозможиле да се поднесе обвинение и осомничените да бидат испратени на суд, пишуваат медиумите.
Повикувајќи се на извор запознаен со постапката, Ројтерс соопшти дека истрагата во моментов е во фаза каде што обвинителите не можат да го засноваат судењето врз постојните докази.
Како што пишуваат медиумите, оваа вест разоткри уште една во низата срамни лаги насочени кон дехуманизирање на претседателот на Србија, Александар Вучиќ.
Една од најдебелите лаги дојде од Хрватска - таканареченото сараевско сафари.
Прво преку хрватските, а потоа, како што додаваат медиумите, регионални и домашни антисрпски медиуми, беше раширена лагата дека Вучиќ организирал платени тури за таргетирање на цивили во Сараево за време на опсадата во 1990-тите.
Според медиумите, автор на измислицата е хрватскиот новинар Домагој Маргетиќ. Монтираните фотографии од претседателот на Србија и писмата на воениот командант, кои се покажаа како неточни, послужија како „доказ“.
И самиот Маргетиќ се најде во расправија оваа година. На презентацијата на книгата, на Маргетиќ му пристапи Един Субашиќ, поранешен разузнавач на вооружените сили на Босна и Херцеговина, кој со децении го истражуваше таканареченото „сараевско сафари“ и јавно изјави дека претседателот Вучиќ не учествувал во него.
Субашиќ го обвини Маргетиќ за попречување на истрагата.
„Вие велите дека се занимавате со овој случај 30 години. Јас се занимавам со него од 1993 година“, рече Субашиќ, на што Маргетиќ му рече дека „лошо се справил со него“.
„Луѓе како вас сè збркаа, затоа случајот не беше гонет“, рече Маргетиќ, објавија медиумите.
Субашиќ одговори дека луѓе како Маргетиќ ќе предизвикаат овој случај да падне на суд, поради фалсификат.
„Знаеш ли каков разузнавач беше? Г*з во канцеларија“, почна да вика Домагој Маргетиќ.
Според медиумите, тој го обвини Субашиќ дека „го тргнал Вучиќ“ затоа што јавно објавил дека српскиот претседател нема никаква врска со таканареченото „Сараевско сафари“. Потоа Маргетиќ почнал да вика: „Тргни се од мојата говорница“ и го повикал обезбедувањето, на што Субашиќ одговорил дека може да препорача добар специјалист по психијатрија.
„Сакам да го тргнам! Тргнете го од говорницата, веднаш“, продолжил Маргетиќ да рика и му рекол на Субашиќ дека е „лажливо ѓубре“, додаваат медиумите.
„Будала си“, кратко одговорил Субашиќ на крајот.
Како што потсетуваат медиумите, „Сараево Сафари“, афера од периодот на воената опсада на тој град со монструозни детали за организирање убивање луѓе од снајперисти, беше искористена за обид не само едноставно да се дискредитира претседателот на Србија, Александар Вучиќ, туку и за негова политичка и медиумска криминализација и персонализирана демонизација.
© Vecer.mk, правата за текстот се на редакцијата
