Бугарија стана „пиратска држава“, а владата не се осмелува да каже кои се тие. Вака лидерот на ГЕРБ, Бојко Борисов, ја коментираше ситуацијата со потонатите бродови во Црното Море, пишува „Оф њуз“.
Борисов иронично се осврна на инцидентот со потонатиот брод што превезувал течен гас, велејќи дека „добрата вест од потонатите бродови е дека сега сигурно има гас во Црното Море“.
„Станавме пиратска држава, а пиратите слободно дејствуваат затоа што владата не се осмелува да каже кои се пиратите. Брод по брод е потонат, ограбен и потонат. И можеби, ако работите продолжат вака, ќе бидеме најголемата атракција за оние кои ја сакаат подводната фотографија и бараат наоѓалишта“, се пошегува Борисов.
На прашањето што би направил во таква ситуација, тој одговори дека „би ги уништил дроновите што се движат бавно по вода“, како и дека би ги ангажирал авијацијата и воените системи.
„Исто како што пред години Русите секојдневно испраќаа авиони и ги пресметуваа работните часови на моторите на нашите МиГ-ови за да нè принудат да ги приземјиме, што и го направија. Тогаш ги активиравме ракетните системи кај Шабла. Штом ќе се појавеа, нивните системи покажуваа дека се следени како цели. Оттогаш немаше ниту еден упад на руски авион“, рече поранешниот премиер.
Тој беше категоричен и дека неговата партија нема да го поддржи буџетот предложен од кабинетот, уште еднаш остро критикувајќи ја владата за преземање нов долг и нивниот став за Даблинската декларација, пишува „Оф њуз“.
© Vecer.mk, правата за текстот се на редакцијата