„Екипите на жандармеријата стигнаа до безживотното тело на нашата Нарин. Нека почива во мир. Наше сочувство“, изјави Али Јерликаја.
Diyarbakır’ın Bağlar ilçesine bağlı Tavşantepe Mahallesi’nde kaybolan Narin kızımızın maalesef cansız bedeni Jandarma ekiplerimiz tarafından bulundu.
— Ali Yerlikaya (@AliYerlikaya) September 8, 2024
Narin kızımıza Allah’tan rahmet diliyorum. Mekanı cennet olsun. Başımız sağolsun.
Наведено е дека безживотното тело на Нарин било пронајдено во потокот Ертутмаз во близина на селото.
Забранет е влез и излез од селото, а телото на девојчето е пренесено на обдукција.
Пред два дена, по добиена дојава, екипи на жандармеријата го пребарале овој поток, но не нашле никаква трага.
„Истрагата што ја започна главното јавно обвинителство во Дијарбакир од првиот момент на инцидентот се спроведува прецизно и од повеќе перспективи. Оние кои се или биле одговорни за смртта на Нарин ќе бидат изведени пред лицето на правдата“, рече министерот за правда, Џилмаз Тунч.
Нарин исчезна на 21 август оваа година во областа Баглар во Дијарбакир, кога беше започната голема потрага.
Во рамките на истрагата, чичкото на Нарин беше претходно уапсен и осомничен за убиство со умисла, но семејството не верува дека нивниот роднина е виновен.
Откако Нарин Гуран беше пријавена за исчезната, започна копнена и воздушна потрага во регионот. Како дел од истрагата, површина од 11.000 квадратни метри беше скенирана од 2.000 луѓе од земја и два хеликоптери и 48 дронови од воздух.
Исто така, 24 нуркачи пребарале пет потоци, три езерца, 18 бунари и 24 километри водени канали. Во рамките на претресот користени се и подземни уреди за снимање.
© Vecer.mk, правата за текстот се на редакцијата
