„Во врска со наредбата на претседателот Владимир Путин на состанокот на Советот за безбедност одржан на 5 ноември, можам да кажам дека е прифатена, подготвена е за имплементација и се работи на неа. Јавноста ќе биде информирана за резултатите“, рече Лавров, како што објави ТАСС, пренесе Индекс.
Наредбата доаѓа како одговор на изненадувачката објава на американскиот претседател Доналд Трамп минатата недела дека САД имаат намера да продолжат со нуклеарните тестирања.
ТАСС, исто така, пишува дека Лавров рекол дека Русија не добила никакво појаснување од САД во врска со наредбата на Трамп.
Односите меѓу Русија и САД нагло се влошија во последните недели, бидејќи Трамп, фрустриран од недостатокот на напредок во напорите за завршување на војната во Украина, го откажа планираниот самит со Путин и воведе санкции врз Русија за прв пат откако се врати во Белата куќа во јануари.
© Vecer.mk, правата за текстот се на редакцијата
