Фудбалерите на Атлетико Мадрид продолжија да нижат победи во шпанската Ла Лига, откако вечерва на својот стадион со 3:1 славеа над екипата на Леванте.
„Јорганџиите“ поведоа во 12-тата минута со автоголот на Дела, но само девет минути подоцна Санчез израмни на 1:1.
Тој резултат остана важечки до 61-вата минута, кога Антоан Гризман влезе во игра на место на Бариос и веднаш постигна гол за 2:1, по асистенција на Љоренте. Гризман го реши прашањето за победникот во 80-тата минута со својот втор гол за конечни 3:1 .
