Десет деца, дел од истото пошироко семејство, беа убиени во американски воздушен напад во Авганистан, заедно со три возрасни цивили, во понеделникот објавија Обединетите нации.

Наппадот рано во саботата беше дел од борбата меѓу талибанците и комбинираните авганистански и американски сили што траеше околу 30 часа во Кундуз, северна провинција каде што талибанците се силни.

Децата и нивното семејство биле раселени од другите делови на земјата како резултат на борбата меѓу силите на двете страни, соопшти Мисијата на ОН за помош во Авганистан (УНАМА) во своите првични сознанија за инцидентот. УНАМА потврдува и дека сите 13 жртви загинале околу времето на воздушниот напад.

Тројца други цивили беа повредени.

Полковничката Дебора Ричардсон, портпарол на мисијата за поддршка предводена од НАТО во Авганистан, во неделата потврди дека американските сили го спроведоа воздушниот напад. Таа рече дека мисијата има за цел да ги спречи цивилните жртви, додека Талибанците намерно се кријат меѓу цивилите.

Рекорден број авганистански цивили беа убиени минатата година откако се зголемија и воздушните и самоубиствените бомбашки напади, објавија Обединетите нации во еден извештај од февруари. Бројот на деца жртви од воздушните напади секоја година се зголемува од 2014 наваму, се додава во извештајот.

извор: Makfax

3
loading...

Најчитани вести