(Фото: Вечер.мк)

Од кај владата започна годинешното украсување на Скопје за кое ќе се потрошат 200.000 евра, според тендерот кој беше објавен од градот.

Иако опозицијата и граѓаните бараа овие пари да бидат наменети за амбулантни возила и болничка опрема сега за време на пандемијата кога е најпотребно, властите сепак не се откажаа.

„Дрско и неодговорно е расипништвото на скопскиот градоначалник Петре Шилегов, кој во период на најголема светска здравствена и економска криза троши 200 илјади евра за сијалички, лампиони и останати реквизити за новогодишно украсување. Шилегов има пари за лампиони, но болниците немаат возила за итна медицинска помош. Шилегов троши 200 илјади евра за сијалички и украси, а учениците немаат компјутери за да следат онлајн-настава“  изјави советничката на ВМРО-ДПМНЕ во град Скопје, Ирена Попова.

Фото: Вечер.мк

Од владејачката СДСМ одговорија дека нема да доволат граѓаните да бидат завиени во мрак.

- На граѓаните им е потребна зрак светлина во тешкиот период со коронавирусот, особено во она малку време што можат да го поминат надвор, за време на празниците. Во време кога коронавирусот негативно влијае и врз менталното здравје на граѓаните, соопштија од СДСМ.

Но сепак некои општини како Тетово, Неготино и Карпош се откажаа или го намалија буџетот за новогодишно украсување а парите ќе ги наменат за справување со пандемијата.  

Фото: Вечер.мк