Банкомат бил ограбен во сараевската населба Шип во текот на ноќта, а жителите на оваа населба слушнале и силна експлозија, а се претпоставува дека банкоматот бил разнесен со експлозивна направа.
„Настанот е пријавен утрово околу 3:20 часот. Истрагата продолжи утрово, така што ќе биде можно да имаме повеќе информации подоцна“, изјави Мерсиха Новалиќ, портпаролка на МУП на КС.
Засега не е познато за колкава сума пари станува збор и дали станува збор за едно или повеќе лица кои го извршиле ова кривично дело, а според неофицијални информации, е снимено возилото со кое сторителот или повеќе од нив се оддалечиле по грабежот.
Граѓаните на ова населено место рекоа дека слушнале силна експлозија во текот на ноќта, по што на локацијата се појавила полициска патрола.
Сличен настан беше забележан минатиот месец во сараевската населба Алипашино Поље, кога во раните утрински часови беше употребена експлозивна направа, со чија помош беше разнесен и ограбен банкомат, а беа оштетени и околните згради.
© Vecer.mk, правата за текстот се на редакцијата
